Невече́рня Све́та Роди́тельнице, извеща́ющу вонми́ ми́ молю́ся. Окаля́хся, да и оскверни́хся, и мра́чен окая́нный бы́х, зе́млю оскверни́х увы́ мне́ окая́нный Мно́гими грехи́ мои́ми, Влады́чице. Сего́ ра́ди вопие́т ны́не стеня́щи на мя́, к Судии́ неумы́тному Принося́щи увы́ мне́ в свиде́тели Не́бо со звезда́ми и со́лнце Бу́ря же, по́мысл, пости́же мя́ и погружа́ет про́чее во отча́яние Душа́ моя́ тре́петом содержи́ма е́сть, ожида́ющи о́ле изрече́ния. Богоро́дицу все́ упова́ние мое́ на тя́ возложи́х окая́нный Ви́ждь вся́каго студа́ напо́лнися моли́твенника твоего́ увы́ мне́, лице́, И умоля́й непреста́нно, его́же родила́ еси́, уще́дрити и мене́ окая́ннаго. Разреши́ еди́на у́зы моя́ нереши́мыя изба́вителя ми́ру ро́ждшая. Очерне́наго и тьмо́ю бы́ша покая́ния мя́ слеза́ми убели́ Умерщвле́нна мно́гим уны́нием мене́ Живо́т мо́й ро́ждшая воздви́гни Устрани́вшася мя́ от Бо́га и А́нгел к ни́м возврати́ мя́ па́ки. Вои́стинну чу́до стра́шно, ка́ко претерпе́ грехи́ моя́ Госпо́дь Ка́ко а́бие во дно́ а́дово не сведе́ мя́ жи́ва окая́ннаго Же́зл ка́ко не низпосла́ свы́ше безве́стно или́ ме́ч порази́ти мя́ Ты́ же вся́ко твои́ми моле́нии живо́т Дарова́ла ми́ еси́, Влады́чице Моего́ взыску́ющи покая́ния е́же сама́ ми́ пода́й, рабу́ твоему́ Преблага́я, ты́ бо и стена́ моя́ и приста́нище и тверды́ня еси́. Све́т ми́ возсия́й Боже́ственнаго лица́ твоего́, в но́щи нераде́ния спя́щу. Да́руй ми́ умиле́ние Влады́чице воздыха́ния немо́лчна и сле́зы. Душе́вныя моя́ скве́рны омы́й, и соверше́но ми́ да́руй отпуще́ние. Я́ко Челове́к Богоно́сна су́щи, и Бо́га Человеконосца ро́ждши. Да бы́х тя́ уви́дел Мари́е Пречи́стая у́мныма очи́ма и возра́дуюся. О кре́посте, о упова́ние непосты́дное О животе́ и сла́дкий све́те раба́ твоего́. От язы́ка нечи́ста и у́ст скве́рных, моли́тву сию́ приими́. Ны́не вре́мя по́мощи и спаси́ мя́ от страсте́й и согреше́ний и скорбе́й. Ны́не да ра́дуются А́нгели Влады́чице о мне́ и пра́ведных ду́си я́ко да благода́рно сла́влю тя́, возра́довася пресвято́е и́мя Препе́тая мо́жеши бо ве́м у Бо́га ели́ка хо́щеши его́же родила́ еси́.